Zure negozioak edo enpresak eskaintzen dituen produktuak edo zerbitzuak zehaztasun handiagoz erakusteko orrialdeak dira webgune korporatiboak. Horixe da, hain zuzen, web orrialde korporatiboen eginkizun nagusia: bisitariei zure zerbitzu guztiei buruzko ahalik eta informazio zabalena eskaintzea.
Hauek dira orrialde korporatiboen atal nagusiak: harrerako orrialdea, eskainitako zerbitzu bakoitzaren atal bat eta kokapena eta harremanetarako modua eskaintzeko sekzioa. Zerbitzuen atalak kategoriaka bildu eta antola daitezke, beharrezkoa bada. Bisitariei enpresa edo negozioa non dagoen azaltzeko eta harremanetarako bidea zein den jakinarazteko, datu-orri bat egokitzen da, bezeroek erraz betetzeko modukoa, baita Google Mapsen oinarritutako mapa elkarreragile bat ere, bezeroek nahieran mugitu eta handitu dezaten.
Badira zure web orrialde korporatibora molda daitezkeen beste zenbait zerbitzu osagarri ere, hala nola albisteen atal bat, bisitariei azken berrikuntzen berri emateko, eta dokumentuak deskargatzeko atal bat, besteak beste.
Bestalde, zure web orrialdea sustatzeko zerbitzuak ere eskura ditzakezu, lehendik bezero direnek ez ezik bezero berriek ere webgunea bisitatzen dutela ziurtatzeko.
