Web orrialdearen beraren barnean aplikazioak sortzeko aukera ematen dutenak dira webgune dinamikoak. Nabigatzaileekin elkarreragin handiagoa izateko aukera ematen dute webgune dinamiko horiek. Aplikazio dinamikoak dira, esaterako, inkestak eta bozketak, albistegiak, foro euskarriak, bisita-liburuak, e-mail adimendunen bidalketak, produktuen erreserbak, online eskaerak, bezeroei eskainitako arreta pertsonalizatua… Administratzaileak aukera du atal horiek kudeatzeko eta, horrenbestez, edukiak gehitzeko, editatzeko eta ezabatzeko.
Moldagarritasuna da webgune dinamikoen abantaila handiena, erakutsitako informazioa pertsonalizatzeko ahalmena baitute. Eta, enpresak finkatutako irizpideen arabera, erabakiak hartzeko eta informazio hautatua erakusteko aukera ematen dute.
Web orrialde dinamikoek enpresaren irudi sendoagoa eta profesionalagoa eskaintzen dute; izan ere, nabigatzaileen ordenagailuko informazioa gordetzeko aukera ematen dute eta, nabigatzailea nor den, enpresaren web orrialdea eta informazioa haren arabera pertsonalizatzeko aukera ere bai. Horregatik dira hain erabilgarriak.
